𝐊𝐫𝐞𝐦𝐭𝐢𝐦𝐢 𝐢 𝐒𝐡ë𝐧 𝐃𝐡𝐢𝐦𝐢𝐭ë𝐫 𝐌𝐢𝐫𝐨𝐯𝐥𝐢𝐭𝐢𝐭 (2022)

Në datat 25 dhe 26 Tetor 2022 u kremtua në mënyrë panagjirike e kremtja e Dëshmorit të madh, Dhimitrit, Mirovlitit të lavdëruar, mbrojtësit të qytetit të Beratit. Shërbesat u kryen nga klerikë të Mitropolisë por edhe të ardhur nga mitropolitë e tjera, të kryesuar nga arkimandrit Anastasi. Në to mori pjesë edhe një formacion i vogël koral i Korit Bizantin "Shën Joan Kukuzeli" nën drejtimin e z. Theodhor Peci si dhe psaltë të Mitropolisë së Beratit.

Të shumtë ishin besimtarët e Beratit të cilët morën pjesë në këto kremtime duke ju lutur Krishtit Perëndisë dhe Shenjtorit mbrojtës të qytetit Shën Dhimitër Mirovlitit. Në dt.25 në mbrëmje u kryen Ajazma e Vogël, Mbrëmësorja e Madhe, Paraklisi, Leximi i Himnit Akathist të Hyjlindëses dhe shenjtit. Ndërsa në dt. 26 në mëngjes kremtimet filluan me shërbesën e Mëngjesores, me Liturgjinë Hyjnore dhe më pas me litaninë e ikonës rreth Kishës.

Lutemi që ndërmjetimet e shenjtorit të jenë të pareshtura përpara fronit të Perëndisë!